10 URTEZ AZPIKO MUNDUKO
XAKE TXAPELKETA IREKIA
(2018ko
azaroaren 4tik 15era, Galiziako Santiago de Compostela hirian)
90 minututan 40 jokaldi
egin behar ziren. Gero, 30 minutu zituzten partida bukatzeko. Jokaldi
bakoitzean, hasieratik, 30 segundo gehitzen ziren. Hamaika partidako txapelketa
zen.
AZKENEKO SAILKAPENA, 11 TXANDA
JOKATU ONDOREN
1) Yueheng Jin (Txina) (1.914) – 9 puntu.
2) Erick Zaho (Estatu Batuak) (1.957) – 9 puntu.
3) Maksim Volkov (Errusia) (1.971) – 8’5 puntu.
4) Artem Pingin (Errusia) (1.981) – 8’5 puntu.
5) Anh Minh Dang (Vietnam) (1.817) – 8’5 puntu.
6) Artsiom Baliauski (Bielorrusia) (1.791) – 8’5 puntu.
7) Anthony Atanasov (Kanada) (1.916) – 8 puntu.
8) Dimitar Mardov (Estatu Batuak) (1.985) – 8 puntu.
9) Jakub Seemann (Polonia) (1.869) – 8 puntu.
10) Marius Deer (Alemania) (1.695) – 8 puntu.
33.-
Javier Habans Aguerrea (Nafarroa, Euskal Herria) (1.892) – 7 puntu.
Orotara, 205 jokalari.
JAVIER HABANSEK HISTORIA EGIN ZUEN, BAINA ESPERO BAINO
ZERTXOBAIT GUTXIAGO EGINDA
Javier Habans Aguerrea, bere aitarekin (Javier Habans
Sanzberro xakelaria).
Javier Habans Aguerrea
Nafarroan etorkizun handiena duen jokalaria da. Kalitatea nahiko erakutsia du.
Hala ere, horrelako nazioarteko hitzorduetan ez du zorte handirik, ez du bere
jokorik onena ateratzen. Bere rankinga 23. zen eta 33. postuan bukatu zuen. Ez
da alde handia, baina hainbesteko itxaropena dago bere inguruan… Eloko 48 puntu
utzi zituen Munduko Txapelketan. Laster berreskuratuko ditu eta gehiago pilatu
ere bai, baina Santiago de Compostelan ez zuen distira berezi-berezirik egin.
Hori onartuta ere, 205
jokalariko Munduko Txapelketa batean 33. tokian geratzea oso ongi dago. Euskal
Herriko jokalari gutxik lortuko dute hainbeste, hurrengo hamarkadetan.
Lehenengo sei partidetan
5 puntu egin zituen. Tamalez, hurrengo lau partidetan puntu bakarra eskuratu
zuen eta hor hondoratu zen, hein batean, sailkapenean. Azken partida irabazita
txukundu zuen txapelketa.
Yueheng Jin txinatarra
izan zen txapeldun eta podiumean, ondoan, Erick Zaho estatubatuarra (bigarren)
eta Maksim Volkov errusiarra (hirugarren) izan zituen.
2018-11-23.
Iturria: Nafarroako Xake Federakundea eta https://info64.org/world-cadets-chess-championships-2018-u10-open/standings” webgunea.